26 мая каля Гомельскай абласной універсальнай бібліятэкі імя У.І. Леніна прайшоў фестываль кнігі – 2019 # ЧИТАЙГОМЕЛЬ, які аб’яднаў пісьменнікаў, кнігавыдаўцоў, бібліятэкі і чытачоў. На бульвары “Адкрытая бібліятэка” бібліятэкамі вобласці прадстаўлены літаратурныя пляцоўкі.
Пляцоўка Лоеўскай цэнтральнай раённай бібліятэкі “Лоеўшчына гасцінная запрашае!” прапанавала да ўвагі фотавыставу “Гісторыя, напісаная на вадзе”, дзе адлюстраваны імгненні гісторыі Лоеўшчыны ў фотаздымках. Выстава дасылае ў мінулае Лоеўшчыны, прапануе прайсціся па старым вуліцам, паназіраць за зменамі, адчуць смак мінулай эпохі і дыханне часу, якое непрыкметна, але нястомна мяняе рэчаіснасць.
Выстава “Лоеўшчына…Тут усё маё, адсюль я родам…” адлюстравала гістарычны шлях, духоўна-мастацкую спадчыну, літаратурнае багацце Лоеўскага раёна.
Сапраўдным падарункам гасцям пляцоўкі стаў паказ інтэрмедыі “Лекар і паненка” батлеечнага тэатра.
Адным з прыемных момантаў фестывалю стала ўручэнне ўзнагарод. Лоеўская цэтральная раённая бібліятэка атрымала дзве ўзнагароды: Дыплом І ступені рэгіянальнага творчага конкурса «Літаратурны герой» у намінацыі “Літаратурны герой твораў рускай літаратуры” за работу “Баба Яга” і Дыплом ІІ ступені конкурса “Літаратурная пляцоўка”.