Вячаслаў Адамчык

Вячаслаў Адамчык нарадзіўся 1 лістапада 1933 года ў вёсцы Варакомшчына, Навагрудскі павет, Навагрудскае ваяводства, Польша (цяпер Дзятлаўскі раён Гродненскай вобласці) у сялянскай сям’і. Беларускі празаік, драматург, кінасцэнарыст.

У 1949 годзе скончыў сямігодку.

Працаваў грузчыкам на станцыі Наваельня, адначасова вучыўся ў вячэрняй школе.

У 1952-1957гг. займаўся на аддзяленні журналістыкі філалагічнага факультэта БДУ.

У 1957-1958гг. працаваў у газеце «Знамя юности».

У 1958-1960гг. працаваў у газеце «За вяртанне на Радзіму».

У 1960-1962гг. працаваў рэдактарам Дзяржаўнага выдавецтва БССР.

У 1962-1963гг. працаваў рэдактарам аддзела публіцыстыкі часопіса «Полымя».

У 1965 годзе скончыў Вышэйшыя літаратурныя курсы пры СП СССР у Маскве.

У 1965-1967гг. працаваў літсупрацоўнікам часопіса «Нёман».

У 1967-1969гг. працаваў загадчыкам рэдакцыі часопіса «Полымя».

У 1969-1977гг. працаваў рэдактарам аддзела прозы, намеснікам галоўнага рэдактара часопіса «Маладосць».

У 1977-1980гг. працаваў галоўным рэдактарам сцэнарнай майстэрні пры кінастудыі «Беларусьфільм».

У 1980-1982гг. працаваў намеснікам галоўнага рэдактара выдавецтва «Мастацкая літаратура».

З 1982 года  — галоўны рэдактар часопіса «Бярозка».

У 1983 годзе прымаў удзел у рабоце XXXVIII сесіі Генеральнай асамблеі ААН.

 Член Саюза пісьменнікаў СССР з 1960 года.

Пaмёp Bячacлaў Aдaмчык aд цяжкaй xвapoбы ў 2001 гoдзe ў Miнcкy. Пaxaвaны нa Kaльвapыйcкix мoгiлкax.

Дэбютаваў вершамі ў 1952 годзе. Першае апавяданне апублікавана ў 1957 годзе. Аўтар зборнікаў прозы «Свой чалавек» (1958), «Млечны шлях» (1960), «Міг бліскавіцы» (1965), «Дзікі голуб» (1972), «Дзень ранняй восені» (1974), «Раяль з адламаным вечкам» (1990) і раманаў «Чужая бацькаўшчына» (1978, паводле рамана зняты аднайменны мастацкі фільм (1982) і пастаўлены тэлеспектакль (1983)), «Год нулявы» (1983), «І скажа той, хто народзіцца…» (1987), «Голас крыві брата твайго» (1990).

Напісаў сцэнарыі да дакументальных фільмаў «Іван Мележ» (зняты ў 1977), «Валянцін Таўлай» (зняты ў 1978), «Дзядзька Якуб» (зняты ў 1981), п’есу «Раіса Грамычына» (1989). Пераклаў кнігу балгарскіх народных казак «Незвычайны асілак» (1961), паасобныя творы М. Прышвіна, Ю. Казакова, С. Залыгіна і інш.

Лаўрэат Літаратурнай прэміі імя І. Мележа (1980) за раман «Чужая бацькаўшчына», Дзяржаўнай прэміі БССР імя Якуба Коласа (1988) за раманы «Чужая бацькаўшчына», «Год нулявы», «І скажа той, хто народзіцца…».

На кніжнай паляцы

Адамчык В. Выбраныя творы : у 2 т. / Вячаслаў Адамчык. — Мінск : Мастацкая літаратура, 1983.

Адамчык В. Выбраныя творы / Вячаслаў Адамчык. Т. 1 : Чужая бацькаўшчына : раман : Апавяданні. — 394, [3] с., [1] л. партр.

У першы том выбраных твораў вядомага беларускага пісьменніка Вячаслава Адамчыка ўвайшлі раман «Чужая бацькаўшчына» і апавяданні. Раман расказвае пра падзеі ў заходнебеларускай вёсцы напярэдадні вялікіх сацыяльных перамен. У цэнтры рамана вобраз маладой жанчыны, якая, застаўшыся ўдавою, хоча знайсці сваё каханне, сваю страчаную маладосць. Тэматыка апавяданняў разнастайная: вайна, цяжкое пасляваеннае жыццё, сучасная вёска.

Адамчык В. Выбраныя творы / Вячаслаў Адамчык. Т. 2 : Год нулявы : раман : Апавяданні. — 428, [3] c.

У другі том выбраных твораў Вячаслава Адамчыка ўвайшлі раман «Год нулявы» і апавяданні. Чытач сустрэнецца са знаёмымі героямі па першай кнізе «Чужая бацькаўшчына»: Імполь, Алеся, яе брат Міця, стары Корсак, наймічка Хрысця, усё Верасава — заходнебеларуская вёска напярэданні вялікіх сацыяльных перамен 1939 года, калі Заходняя Беларусь была прынята ў склад адзінай Савецкай дзяржавы.
Адамчык В. Голас крыві брата твайго : раман, апавяданне / Вячаслаў Адамчык. — Мінск : Мастацкая літаратура, 1991. — 285, [2] с., [6] л. каляр. іл.

Кніга Вячаслава Адамчыка — гэта заключны твор ягонай тэтралогіі пра жыццё Заходняй Беларусі, працяг раманаў «Чужая бацькаўшчына», «Год нулявы», «I скажа той, хто народзіцца». Чытач зноў сустрэнецца з Міцем Корсакам, Алесяй, Імполем, Хрысцяй, пазнаёміцца з новымі персанажамі.
Адамчык В. Дзень ранняй восені : выбраныя апавяданні / Вячаслаў Адамчык. — Мінск : Мастацкая літаратура, 1974. — 318, [2] с., [1] л. партр. — (Бібліятэка беларускай прозы).

Параўнаўча нядаўна прыйшоў у беларускую літаратуру Вячаслаў Адамчык, але яго апавяданні добра вядомы чытачу. Пра што б ні пісаў аўтар — пра вёску, пра свае пасляваеннае дзяцінства, пра маральна-этычныя праблемы сучаснай моладзі, —  піша ён шчыра, у даверлівай манеры. У кнігу «Дзень ранняй восені» ўвайшло ўсё лепшае з напісанага Вячаславам Адамчыкам.

Адамчык В. І скажа той, хто народзіцца : раман / Вячаслаў Адамчык. — Мінск : Мастацкая літаратура, 1987. — 318, [1] с., [8] л. каляр. іл.

Раман вядомага беларускага празаіка Вячаслава Адамчыка прысвечаны падзеям станаўлення савецкай улады на землях Заходняй Беларусі, якія ўваходзілі ў склад міжваеннай буржуазнай Польшчы, а ў верасні 1939 года былі ўз’яднаны ў адзіную савецкую дзяржаву.

У трэцяй кнізе разглядаецца далейшы лёс тых жа самых персанажаў — Міці Корсака, Алесі Мондрай, Імполя Варам’я, Жэніка Рэпкі, Хрысці, што знаёмы ўжо чытачу па папярэдніх двух раманах Вячаслава Адамчыка «Чужая бацькаўшчына» (1978) і «Год нулявы» (1983).
Адамчык В. Раяль з адламаным вечкам : апавяданні: [для старэйшага школьнага ўзросту] / Вячаслаў Адамчык. — Мінск : Юнацтва, 1990. — 245, [2] с., [5] л. іл., каляр. іл., партр. — (Бібліятэка юнацтва).

Зборнік вядомага беларускага пісьменніка Вячаслава Адамчыка склалі лепшыя апавяданні: «Урок арыфметыкі», «Аптэка нумар тры», «Млечны Шлях» і іншыя, якія адрасаваны моладзі. Аўтар закранае ў сваіх творах праблемы станаўлення асобы, дабра і зла, вучыць знаходзіць выйсце з самых складаных жыццёвых абставін.
Адамчык В. Чужая бацькаўшчына : раман / Вячаслаў Адамчык. — Мінск : Мастацкая літаратура, 1978. — 334, [1] с., [8] л. iл.

У рамане Вячаслава Адамчыка «Чужая бацькаўшчына» расказваецца пра падзеі ў заходне-беларускай вёсцы напярэдадні вялікіх сацыяльных перамен.У цэнтры рамана вобраз маладой жанчыны, якая, застаўшыся ўдавою, хоча знайсці сваё каханне, сваю страчаную маладосць, але па сутнасці губіць сваё жыццё.
Адамчык В. Чужая бацькаўшчына : раман: [для старэйшага школьнага ўзросту] / Вячаслаў Адамчык. — Мінск : Мастацкая літаратура, 2009. — 365, [1] с. — (Школьная бібліятэка).

У рамане «Чужая бацькаўшчына», які ўваходзіць у вядомы пісьменніцкі цыкл празаічных твораў, адзначаных Дзяржаўнай прэміяй Беларусі імя Я. Коласа, ён стварыў вобраз заходне-беларускай вёскі ва ўмовах даваеннай польскай дзяржавы.  Амаль дэтэктыўны сюжэт рамана робіць яго чытанне па-сапраўднаму захапляльным. 
Книги на русском языке
Адамчик, В. Вспышка молнии : рассказы : авторизованный перевод с белорусского / Вячеслав Адамчик. — Москва : Советский писатель, 1970. — 287, [1] с.

Вячеслав Адамчик — один из одаренных белорусских писателей, пришедших в литературу в 60-е годы. На родном языке издано три сборника его рассказов. ВСПЫШКА МОЛНИИ — первая книга писателя, переведенная на русский язык. Тематически сборник разнообразен. О тяжелом прошлом западно-белорусских крестьян и их сегодняшней жизни в дружной семье равноправных народов нашей Родины повествуется в рассказах «Песня», «Дикий голубь» и др. Ряд произведений посвящен жизни и борьбе белорусского народа в годы Великой Отечественной войны («Рояль с обломанной крышкой», «Там, на хуторе») и нашей современной молодежи, ищущей свое место в жизни («Млечный Путь», «Аптека номер три»). По-своему раскрывает автор и вечную тему любви («Зоня», «Белый снег» и др.)

Произведения В.Адамчика подкупают лиричностью, достоверностью, умением раскрыть психологию героя.
Адамчик, В. И скажет тот, кто родится : роман / Вячеслав Адамчик. — Москва : Cоветский писатель, 1989. — 318, [1] с.

Роман «И скажет тот, кто родится» — продолжение эпопеи Вячеслава Адамчика, известного читателю по книгам «Чужая вотчина» и «Год нулевой». В нем рассказывается о строительстве новой жизни в освобожденной от белополяков деревне Верасово.
Адамчик, В. Чужая вотчина : роман, рассказы : [перевод с белорусского] / Вячеслав Адамчик. — Минск : Мастацкая літаратура, 1989. — 399, [1] с. — (Белорусская проза).

Роман «Чужая вотчина» (1977) лауреат Литературной премии им.И.Мележа, известного белорусского писателя Вячеслава Адамчика повествует о жизни западно-белорусской деревни накануне второй мировой войны, о социальном и нравственном состоянии человека в «чужом отечестве», о судьбе Алеси, молодой женщины, ищущей свою любовь, свое счастье. В своих рассказах о военном детстве («Сладкие яблоки», «Там, на хуторе»), о сложных людских судьбах («Погорельцы», «Король Небожа» и др.) писатель смело идет навстречу драматической правде жизни, правде реальных человеческих отношений.