9.12. У філіале «Малінаўская сельская бібліятэка» праведзена літаратурная гасцёўня «Геній зямлі», прысвечаная 130-годдзю з дня нараджэння Максіма Багдановіча, беларускага паэта, літаратуразнаўца, заслужанага дзеяча мастацтваў. Спадчына Максіма Багдановіча ўвайшла ў залаты фонд беларускай культуры.
Бібліятэкар распавяла пра жыццёвы шлях Максіма Багдановіча. Мілагучнае гучанне вершаў паэта «І зноў пабачыў я сялібу», «Касцёл Святой Ганны», «Маладыя гады» далі магчымасць прысутным акунуцца ў свет паэзіі М.Багдановіча, прайсціся па яго жыццёвых сцежках, пранікнуцца яго думкамі і ўяўленнямі.
Мерапрыемства суправаджалі тэматычная відэапрэзентацыя і відэаролікі на песні паэта. Бібліятэкар пазнаёміла прысутных з літаратурай, прадстаўленай на кніжнай выставе «Геній зямлі беларускай».
